ပြီးခဲ့တာတွေလည်း ပြီးသွားမှာပါ လို့ ဖြေသိမ့်သူတွေကိုယ်တိုင်
အဝေးကို ငေးပြီး ဆွေးနေမှတော့
နှစ်သစ်မှာ အချစ်ကို တွေ့ပါစေလို့ ဆုတောင်းပေးသူတွေကိုယ်တိုင်
မျက်ဝန်းတွေ အုံ့ဆိုင်းနေမှတော့
ငါ့မှာလည်း . . . .
ဘယ်လိုလဲ မိချယ်
အရင်လို အရင်လူနဲ့
အရင်နေရာမှာပဲ အရင်အတိုင်း ရှိနေမလား
နင်ကတော့ အဆင်ပြေမှာပါ
လပြည့်ကျော်တစ်ရက်ဆိုတော့ ဘယ်လောက့်ညဉ့်နက်နက်
လရောင် လင်းလင်းကျင်းကျင်းထဲ နင့်အိမ်ဆီ ပြန်ရသိပ်ခက်မယ်မထင်ဘူး
ငါ မွတ်သိပ်နေတဲ့ နင့်အသံတွေက
ဘယ်သူ့နားစည်မှာ ဆည်းလည်းသံသာတွေ ဖြစ်နေလဲ
ငါ မျှော်လင့်နေတဲ့ နင့်အပြုံးတွေက
ဘယ်သူ့ နှလုံးသားထက်မှာ တွဲခိုဆော့နေမလဲ
စိတ်ထဲ မထည့်ထားပေမဲ့
အလိုလို စိတ်ထဲရောက်လာတဲ့နင့်အကြောင်း
စဉ်စားမိတာ သိပ်များပြီ
တယ်လီဖုန်းဆက်တိုင်းလည်း စက်ပိတ်ပိတ်ထားတတ်တွေ
ထည့်မရေးတော့ဘူး
နင်သာပျော်အောင် နေပါကွဲ့
ဒီညမှာ . . . .
နင့်အမုန်းတွေ လျှံကျနေတဲ့
ငါ့နာကျင်မှုတွေ အမြုပ်ထနေတဲ့
အခါးဆုံး ဘီယာတွေ သောက် . . . မူးပြီးမှောက်တဲ့အထိ
တွေ့ခဲ့ မြင်ခဲ့ရင်လဲ အရင်လို အမှတ်တမဲ့ပဲနေ
လွန်ခဲ့တဲ့သုံးနှစ်ကတည်းက
နင် ပြောခဲ့သလို
ငါတို့က
ပြန်မပတ်သက်နိုင်တော့တဲ့သူစိမ်းတွေ .။
Thursday, December 31, 2009
၃၁ ဒီဇင်ဘာ
Posted by နွေညို at 2:31 PM 3 comments
Labels: ကဗျာများ
Monday, December 21, 2009
ကြားခွင့်မရှိတော့တဲ့အသံ
လေလှိုင်းထဲကတစ်ဆင့်
သုံးနှစ်စာ နာဖျားမှုတွေ သိစေဖို့
မမေလျော့နိုင်သေးတဲ့ ဂဏန်းကိုးလုံးပေါ်
မျှော်လင့်ချက်တွေယှက်တင်လို့ နှိပ်ချလိုက်တယ်
ဘယ်သူလဲလို့မေးရင် ဘယ်သူပါလို့ ဘယ်လိုပြန်ဖြေရပါ့
စက္ကန့်တွေရေတွက်
အာရုံက နားစည်နဲ့ မြည်သံတစ်ခုကြား မှာ စိုးထိတ်စွာ
သတ်မှတ်အချိန်တွင်း ပြန်လည်မဖြေဆိုနိုင်တာ
ဘာကြောင့်ပါလဲ
ဟယ်လို
အသံတစ်ခုကို ကြားရနိုး မွတ်မွတ်သိပ်သိပ်နဲ့
ဟယ်လို
အနာဂတ်ထဲမှာ အတိတ်ကအတိုင်း ပျော်ရွှင်ချင်တဲ့စိတ်နဲ့
ဟယ်လို . . . ဟယ်လို . . . ဟယ်လို
သူကြားကြား မကြားကြား ပေါ့
လွမ်းဆွတ်နေရကြောင်း သတင်းစကားကို
နှလုံးသားတယ်လီဖုန်းခေါ်သံတွေကနေ ပို့လွှတ်လိုက်တယ်
အနည်းဆုံး မင့်အိပ်မက်ထဲကိုပဲဖြစ်ဖြစ်
တစ်နေ့နေ့ ရောက်ရှိနိုင်စေကွယ်။
Posted by နွေညို at 4:45 PM 3 comments
Labels: ကဗျာများ
Monday, November 9, 2009
အခုတစ်လော . .
ဘယ်အချိန်ကတည်းက ကျပျောက်သွားခဲ့ရတာလဲ
အခုထိ နောက်တစ်ခါ ပြန်မရခဲ့
မြူလို မီးခိုးလို မိုးတိမ်တွေလို
ထိတွေ့ ဖမ်းဆုပ်နိုင်ခွင့်မရှိခဲ့တာ နှစ်အတန်ကြာ
အဖြစ်ထက် အပျက်တွေကပဲ များများလာ
မြက်ခင်းစိမ်းစိမ်းတွေပေါ် . .
ဖုန်ထူထူလမ်းမတွေပေါ်
မတော်တစ်ဆ ရှင်သန်ခွင့်ရခဲ့တာကလွဲရင်
စိတ်လိုလက်ရ ဘယ်အကြောင်းမှ ပြန်မပြောချင်တော့
အစားထိုးစရာတွေက အဖိုးအခသိပ်ကြီးလွန်းတယ်
စိုက်ခဲ့တဲ့ သစ်ပင်တွေဟာလဲ တန်းစီညှိုးခြောက်သေဆုံးလို့
လျှောက်နေရတဲ့ လမ်းကျဉ်းကျဉ်းလေး တစ်ဖက်တစ်ချက်စီမှာ
ချောက်နက်နက်တွေ စီစီရီရီ ဆီးလို့ ကြိုလို့
တစ်နေ့နေ့မှာတော့ ကျွန်တော်
စိတ်လွတ်ကိုယ်လွတ်ခုန်ချဖြစ်ပါလိမ့်မယ်
အနည်းဆုံး. . . ပျောက်ဆုံးနေခဲ့တဲ့ ပျော်ရွှင်ခြင်းရနံ့ကို
လေဟာနယ်ထဲမှာ တင်္ဒဂ ပြန်ရနိုင်မယ်
မျှော်လင့်ချက်နဲ့ . . . .
ဟုတ်ကဲ့
လွတ်လွတ်လပ်လပ် နဲ့ အားရပါးရမရယ်မော မပျော်ရွှင်နိုင်ခဲ့တာ
နှစ်အတော်ကြာခဲ့ပြီဆိုတဲ့အကြောင်း
ပြောချင်တာပါ။
Posted by နွေညို at 3:08 PM 1 comments
Labels: ကဗျာများ
Friday, September 18, 2009
အခုကစလို့ဘာအကြောင်းကြောင့်ပဲဖြစ်ဖြစ် ဒီကဗျာကို ခင်ဗျားဆုံးအောင်ဖတ်ပါ
အခုကစလို့ ဘယ်နည်းနဲ့မှ အဆုံးအရှုံးမခံနိုင်တော့ဘူး
ခင်ဗျားကို
အဲ့ဒီမျက်လုံးဝိုင်းဝိုင်းတွေက အနီးမှုန်တတ်သလား
နောက်တစ်ခုထပ်မေးမယ်
အဲ့ဒီမျက်လုံးဝိုင်းဝိုင်းတွေက
အနီးကိုကျော်ပြီး အဝေးကိုပဲမျှော်နေခဲ့တာလား
ခင်ဗျားကို ချန်ရစ်ထားခဲ့တဲ့ မြစ်တွေဆီကမှ
ချစ်ခြင်းမေတ္တာငါးတွေ ဖမ်းယူစားသုံးချင်နေတာ
ရူးသွပ်တာမဟုတ်လို့ ဘာလဲ
အဖြည့်မခံတော့တဲ့ ကွပ်လပ်တွေနဲ့မှ
ဆက်ပြီးပတ်သတ်ချင်နေတာ
မိုက်မဲတာမဟုတ်လို့ဘာလဲ
ကျုပ်က ခင်ဗျားထက်အငယ်ဆိုလဲ
ဘာဖြစ်ဖြစ်ပြောမယ်
ကျုပ်နဲ့ ပတ်သက်တာကလွဲလို့
ခင်ဗျားလုပ်သမျှဟာ အမှားချည်းပဲ
အခုကစလို့ ခင်ဗျားအတွက်
လူတော်မဟုတ်ဘူး ကျုပ်က လူပျော်
လူကောင်းမဟုတ်ဘူး ကျုပ်က လူဟောင်း
ရွတ်ရွတ်နဲ့ ရွဲ့ရွဲ့ပဲ
ခင်ဗျားကလွဲလို့ မြင်မြင်သမျှဟာလဲ တစ်စောင်းချည်းပဲ
ဒါဟာ ဒေါသကနေ အသွင်ပြောင်းလာတဲ့ ချစ်ခြင်းမေတ္တာ
ခင်ဗျားကို နောက်ဆုံးဆိုပြမဲ့သီချင်းဖြစ်တယ်
ငြိမ်းချမ်ရေးစာချုပ်ကို ပြင်ဆင်ရေးထားတဲ့
စစ်ကြေညာလွှာလဲဖြစ်သလို
ချိန်ကိုက်မိုင်းတစ်လုံးရဲ့ စက္ကန့်ရေတွက်သံတွေဖြစ်တယ်
ဟေ့ . . . ခင်ဗျားဆိုတဲ့မမ
အခုကစလို့ ဖျားနာနေတဲ့ကျုပ်နှလုံးသားကို ကုသဖို့
ခင်ဗျားရင်တံခါးကို ဟထားပေးပါ
ကျုပ်ခပ်ဖွဖွပဲဝင်လာခဲ့မယ်
အမုန်ထောင်ချောက်တွေ တန်းစီဖွက်ထားမလား
လက်လွတ်အဆုံးရူံးမခံနိုင်တဲ့နောက်တော့
ကျုပ်သေမှာ မကြောက်တော့ဘူး
တစ်ခုလေးပဲ . . .
တစ်ခုလေးပါပဲ
တိုးတိုးရယ်နဲ့တိတ်တိတ်လေး
“ခင်ဗျားကို သိပ် ချစ် တာ” လို့
မပြောရမှာကိုပဲ စိုးရိမ်တာ။
Posted by နွေညို at 4:20 PM 8 comments
Labels: ကဗျာများ
Thursday, September 17, 2009
မုန်တိုင်းနောက်ဆက်တွဲ
ရေကြည်ရာမှာ မြက်မနုနိုင်တဲ့အလျောက်
မြက်နုရာမှာ ရေမကြည်နိုင်တဲ့နောက်
တစ်ယောက်ရဲ့ လိုအပ်မှုက တစ်ယောက်ကို အကျိုးမပြုတဲ့အခါ
တစ်ယောက်ရဲ့ရူးသွပ်မှုက တစ်ယောက်အတွက် အနုပညာဖြစ်မလာတဲ့အခါ
ခြေရာတွေကိုယ်စီ သိမ်းရုပ်လို့
လာလမ်းအတိုင်း တို့တွေ နောက်ဆုတ်လိုက်ကြရုံ
အလံဖြူတွေ စံပယ်လိုသွင်သွင်ပွင့်ပြနေပါလျက်နဲ့
သံသယတွေနဲ့အမှောင်ချထားတဲ့ အခန်းဆိုတော့မှ
မျက်ကန်းတစ်ယောက်ရဲ့ အချစ်ကို မင်းမြင်နိုင်ပါအုံးမလား
အပြောခပ်လွယ်လွယ်နဲ့ပဲ . . . မင်းကစပြီးမေ့လိုက်ကွယ်
တစ်ကယ်လို့ပေါ့ . . .
တစ်ကယ်လို့ ဖြစ်နိုင်မယ်ဆိုရင် . . .
တစ်ကယ်လို့ နောက်တစ်ခါ ပြန်ဆုံဖြစ်မယ်လို့ မင်းယူဆခဲ့ရင်
အများကြီးမတွေးပါနဲ့ အချစ်ရယ်
အသေချာဆုံးတရားက
ငါဟာ မင်းအတွက် ချစ်ခြင်းအပွေးတွေအထပ်ထပ်နဲ့သနပ်ခါး
ငါ့အသွေးအသားတွေ အပွန်းပဲ့ခံလို့
မင်းတစ်ဘ၀လုံး မွှေးမြနေစေရပါ့မယ်။
Posted by နွေညို at 11:39 AM 4 comments
Labels: ကဗျာများ
Thursday, September 10, 2009
ဆန္ဒ
ကဲ . . . ကိုယ်ပိုင်အယူအဆတွေခဏဘေးချလို့
မင်းနဲ့ငါ့စိတ်တွေကို တစ်သားတည်းကျအောင်
ထားကြည့်လိုက်စို့ရယ်
လွတ်လပ်စွာကွဲလွဲနိုင်တာတွေက
ခဏ ခဏ ဆိုတော့လည်း စိတ်ပျက်စရာ
ဘ၀ဆိုတာကြီးက ဘယ်လိုပုံစံခွက်ထဲ
ပျော်ဝင်နေရတဲ့ အရာလဲ
ပြောရတာလည်း မောတယ်
အနည်းဆုံးတော့ မင်းငါ့ကိုချစ်နေသလို
ထပ်တူ ငါလဲ မင်းကိုချစ်နေ
ရှင့်ကဗျာတွေက ဘာတွေမှန်းမသိဘူးဆိုတာ
နောက်မှပဲပြောတော့ကွယ်
လာခဲ့ . . . အချစ်ရယ်
ကိုယ်ပိုင်အယူအဆတွေ ဘေးချလို့
ခဏပဲဖြစ်ဖြစ်
မင်းနဲ့ငါ့စိတ်တွေကို တစ်သားတည်းကျအောင်
ထားကြည့်လိုက်ပါစို့ကွယ်
Posted by နွေညို at 11:25 AM 2 comments
Labels: ကဗျာများ
တစ်ကိုယ်ရည်
စီးကျနေတဲ့ မိုးရေစက်တွေကိုကျော်လို့
မှန်ပြူတင်းအပြင်ကို မျှော်ငေးမိ်
မျက်ဝန်းက သတိရခြင်းနှင်းတွေ ကြွေကျရုံထက်
ဘာမှ မတတ်နိုင်တယ်
မင်းမမှတ်မိလဲ ကိစ္စမရှိဘူးရယ်
ကိုယ့်ဖာသာ
အတိတ်မြစ်ထဲမှာ ပူလောင်ကူးခပ်နေချင်မိတာကိုက
နာတာရှည် ကုမရတဲ့ရောဂါ
ငါ့ကို မလိုအပ်တော့ဘူးပြောတဲ့နေ့ကလည်း
အခုလိုမျိုး မိုးတွေရွာခဲ့ပေါ့
ဟန်ကိုယ့်ဖို့ပါကွဲ့
မင်းမကြိုက်တဲ့ Pink Floyd ရဲ့
သီချင်းတွေ အကျယ်ကြီးဖွင့်လို့ မလွမ်းဆွတ်ဟန်ဆောင်
မခံနိုင်တဲ့အဆုံး
ကိုင်သူမရှိတဲ့ ဖုန်းကိုအကြောင်းမဲ့ခေါ်
ဆက်သူမရှိပါပဲ တယ်လီဖုန်းသံကို မျှော်နေမိပြန်တယ်
သိုဝှက်မှုတွေ ခပ်များများနဲ့
ရှင့်အချစ်က တစ်ကယ့်စိတ္တဇပဲ
မမြင်မကြားရလဲ . . စိတ်ထဲ
သူ့အရိပ်ကလေးနဲ့အသံဟာ တစ်ဆူတစ်ညံရှိဆဲ
ချစ်ခြင်းမေတ္တာဟာ သူ့အကိုင်းအခက်နဲ့သူသာ
ရှင်သန်နေပါစေတော့ကွယ်
ဟော့ဒီညမှာ . . . .
ဘာအကူအညီမှမပါပဲ ရိုးရိုးလေးအိပ်စက်ပစ်နိုင်ဖို့သာ
ကိုယ် မျှော်လင့်မိပါတယ်။
Posted by နွေညို at 10:25 AM 5 comments
Labels: ကဗျာများ
Friday, August 28, 2009
ပြောစရာမကျန်တဲ့ရုပ်ရှင်
မိုးနဲ့မြေကို တိုင်တည်ပြီးသစ္စာပြုပါသတဲ့
ချစ်ဦးစ စုံတွဲလေးဆီက ကြားရတဲ့အသံတွေ
သိပ်မကြာလိုက်ဘူးကွဲ့
နောက်တစ်နေ့မှာပဲ အကွဲအပြဲဇာတ်လမ်း အစ
ကောင်ကလေးက ငွေခေါ်တေးသွားကို
အသံမှန်အောင် မဆိုတတ်လို့ဝေးရတယ်တဲ့
ကံကြမ္မာရဲ့ လှန်ဖဲတွေက ဘူပဲကျကျလွန်းလို့
မြစ်ထဲခုန်ချသေမယ်တဲ့
သူငယ်ချင်းတစ်ယောက်က ပြောတယ်
ဟုတ်ပကွယ် . . .
သူ့အတွေးဟာ နောက်ကျလွန်းလောက်အောင်
မစောဘူး
မတရားစွပ်စွဲခံရတာပါလို့ တိုင်စရာ
ကျွန်တော့မှာ လူကြီးမင်းမရှိဘူး
ကျွန်တော် တို့ ကုန်းပိုးထားတာက
အသပြာလိုအပ်မှုဆိုတဲ့ ကင်ဆာရောဂါလား
ခပ်များများ ပြောစရာစကားမရှိတယ်
. . . .
တစ်ကယ်တော့
ကိုအငွေ့ပြောခဲ့သလို
ရှင်သန်နေတာကိုက . . . သေနေခဲ့ရတာ။
Posted by နွေညို at 12:32 PM 1 comments
Labels: ကဗျာများ
Tuesday, August 25, 2009
မရည်ရွယ်ပေမဲ့
အဲ့သလိုမရည်ရွယ်ပေမဲ့
အဲ့သလို ဖြစ်သွားတဲ့အတွက် ၀မ်းနည်းပါတယ်
ကိုယ့်စိတ်ဟာ မိုးတိမ်လိုရွေ့လျားပြောင်းလဲတတ်ကြောင်း
ကိုယ့်မျှားတဲ့ မေတ္တာမှာ မာယာအနည်းငယ် ဖြည့်စွက်ထားခဲ့ကြောင်း
အစကတည်းက မင်းသိစေဖို့
မျှော်လင့်ခဲ့တယ်
တစ်ရှုးဖြူလွလွတွေမြင်တိုင်း နှုတ်ခမ်းဆိုးဆေးအချို့အကြောင်း
အမှတ်ရမိတာ မငြင်းလို
ဒဏ်ရာနဲ့သွေးစက်တွေ စက်လက်ယိုနေဆဲပဲလား
တစ်ရံတစ်ခါ
တွေးမိခြင်းထက် ကိုယ်လက်တွေ့မဆန်နိုင်ခဲ့
သူလို ကိုယ်လိုပဲပေါ့ ကလေးရယ်
ခေတ်က တောင်းဆိုတဲ့ ကိုယ့်လိုအပ်မှုတွေထဲမှာ
မင်း မပါတော့ဘူးပဲ မှတ်ယူပါ
ကိုယ့် ကို မုန်းပါ စိတ်နာပါ. . .
အဲ့သလိုမရည်ရွယ်ပေမဲ့
အဲ့သလို ဖြစ်သွားတဲ့အတွက် အနူးအညွတ်
တောင်း ပန် ပါ တယ် တစ်ကယ်
Posted by နွေညို at 1:17 PM 2 comments
Labels: ကဗျာများ
Tuesday, August 11, 2009
ခုတလော
တွေးနေမိတာက
စိတ်ပျက်ဖို့ကောင်းတဲ့ ကိုယ့်ဘ၀အကြောင်း
ကိုယ့်ကိုယ်ကို ပြန်ဆင်ခြင်မိတာက
တစ်ဇွတ်ထိုး ဆန်လွန်းတယ် . . ဆန်ခဲ့တယ်
ကျန်းမာရေး
စိတ်ကောင်းတဲ့နေ့ နေကောင်းပါတယ်
ဖတ်ဖြစ်တဲ့စာအုပ်က
နံရံ၏အခြားတဖက်၌ (ဂျူး)
မှတ်ချက် ။ မမှုးဒါရီနဲ့ တိုက်တိုက်ဆိုင်ဆိုင် ဖတ်ဖြစ်ခဲ့တယ်။
ရောက်နေဖြစ်တာက
အခုတလောတော့ အရက်ဆိုင်ပဲရောက်ဖြစ်တယ်
ရေးဖြစ်နေတာက
စိတ်ထဲရှိရာအပိုင်းအစတွေ (၀တ္ထုတိုပုံစံလေးတွေ)
နားထောင်ဖြစ်နေတာက
အပြီးသတ်ခက်တယ် (ကျားပေါက်) နက္ခတ်မှား ဆေးမှင် (ဂျီလတ်)
ခေါင်းစဉ်မရှိတဲ့အသံ (ကိုနိုးဝေ)
ဖြစ်ချင်နေတာက
မဖြစ်နိုင်မှန်းသိလို့ မဖြစ်ချင်တော့ဘူး
စားဖြစ်နေတတ်တာက
ပီကေ . . . (အချိန်တိုင်းလိုလိုစားဖြစ်နေတယ်)
ကိုယ့်ထက်သနားစရာကောင်းတဲ့သူတွေ
လွမ်းနေမိတာက
“ရှင့်ကို မလွမ်းဘူး”
မေ့လျော့ပစ်နေမိတာက
မမေ့နိုင်သေးတဲ့အရာတွေကို
ခါးသက်နေမိတာ
ဘ၀အမှားထဲမှာ လူဖြစ်လာရတာ
အတိတ်
ကြိတ်ပြီးချီးကျူးနေမိတာက
ကိုယ့်ကိုယ်ကို. ။ ဒီအချိန်ထိ ခံနိုင်ရည်ရှိနေသေးလို့
ကြိတ်ပြီးအထင်သေးနေမိတာက
ဒီအချိန်ထိ ပျော့ညံ့နေသေးတဲ့ ကိုယ့်ကိုယ်ကို ။
ဆန္ဒရှိနေတဲ့ကိစ္စ
ပြောချင်တာတွေ ဆက်ဆက်ပြောလိုက်ဖို့
မုန်းတီးနေမိတာက
လူတွေ
ချစ်နေတာက
လူတွေ
စိတ်ပျက်နေမိတာက
အတောမသတ်နိုင်တဲ့ လောဘတွေ
စွဲလန်းနေမိတာက
တစ်စုံတစ်ရာပေါ့ ( ဘာလဲလို့မပြောတော့ဘူး)
လိုအပ်နေတာက
ရင်ဘတ်တစ်ခု . . .
ထပ်ပြန်တလဲလဲအော်ဟစ်နေမိတာက
ပြန်လာပါ
ဝန်ခံချင်တာက
အရမ်းမှားခဲ့တယ် . . .
(ပထမဆုံး သူများ Tag ထားတာကို ရေးဖူးတာပါ ဘာတွေဘယ်လိုလုပ်ရမှန်းတောင် မသိဘူး . . . စိတ်ထဲရှိရာတွေ ချရေးလိုက်တယ်. မမှုးဒါရီရေ ကျေနပ်မယ်ထင်ပါတယ်)
Posted by နွေညို at 1:00 PM 2 comments
Wednesday, July 22, 2009
အနမ်း
သွေးကြောတွေထဲ . . .
သံလွင်စီးဆင်းသံဟာ အတိုင်းသား
စွတ်စိုသောမီးခိုးငွေ့လို အထိအတွေ့မှာ
ထွက်သက်ပူတွေ အပြန်အလှန်ငြိတွယ်ရစ်ပတ်ကြရင်း
အိပ်မက်ဆန်ဆန် လေဟာနယ်ထဲ
တစ်လောကလုံးကို မေ့ခဲ့တယ်။
Posted by နွေညို at 11:45 AM 3 comments
Labels: ကဗျာများ
Thursday, July 2, 2009
ငြီးငွေ့နေ့များ
အမြင့်ဆီမျှော်ငေးမိရုံနဲ့တင်
လေတွေက သိပ်တိုက်လွန်း
စိတ်ထဲရှိသမျှ မပွင့်လင်းရတာမျိုးထက်
မျိုသိပ်ထားမျှ မအန်ထုတ်ရတာမျိုးထက်
မသတီစရာကောင်းလွန်းတာမရှိ
ရှိထားတဲ့အရှိထက်
ဘာမှပိုမရှိချင်တော့သလို
သိထားတဲ့ အသိထက်
နောက်ထပ် ဘာမှမသိချင်တော့ပါ
ဖြစ်လာခြင်းထက် ကိုယ်ပျက်ပေးရမဲ့အရာတွေကို
စိုးရွံ့ထိတ်လန့်ရင်း
လူဖြစ်ရကျိုးနပ်ရဲ့လားတဲ့
ကိုယ့်စိတ်က ကိုယ့်ကိုပြန်မေးတာ အခါခါ
အဆင်ပြေပါတယ်လို့
မေးသူအားလုံးနဲ့ ကိုယ့်ကိုယ်ကို လိမ်ညာရင်း
အသက်ကို မျှင်းမျှင်းရှု ၊ ပြင်းပြင်းရှု
မိုးရာသီဆိုပေမဲ့ စိတ်အိုင်ငယ်ထဲ
လှောင်အိုက်ပြီး လှိုက်လှိုက်ပူ
ပါးစပ်နဲ့ ရှုနေရလဲ မ၀တဲ့ အသက်အတွက်
လတ်ဆတ်သော လေအနည်းငယ်ကလွဲ၍
မည်သည့်အရာမှ အလိုမရှိတော့ပါ။
Posted by နွေညို at 11:04 AM 3 comments
Labels: ကဗျာများ
Wednesday, July 1, 2009
ခေါင်းစဉ်မရှိတဲ့အသံ
သည်လိုနဲ့
သူလည်း သူပျော်ရွှင်ရာ ရွက်လွှင့်စီးမြောသွား
ကိုယ်လည်း ကိုယ်ဖြစ်တည်ရာ
သိုက်မြုံထဲ ပြန်လည်ကြုံဝင် ငြိမ်သက်ရခဲ့။
ကိုယ့်ရဲ့ ရေသောက်မြစ်တွေ
ကိုယ့်ရဲ့ အစာချက်လုပ်မှုစနစ်တွေ
ဘယ်အကြောင်းပဲဖြစ်ဖြစ်
အရာအားလုံးဟာ . . . . . . . . .
တယ်လီဖုံး မပြောချင်ပါဘူးအချစ်ရယ် . .
မင်းနှုတ်ခမ်းလေးကိုပဲ သိပ်သိပ်သည်းသည်း နမ်းချင်ခဲ့တာ။
လှည့်စားမှုကင်းတဲ့ ဒင်္ဂါးတွေ မြှောက်ပစ်ကစား
အရောင်အဆင်းကင်းသော လမ်းများပေါ်
လှည့်လည်သွားလာ
စိတ်ခံစားမှု အစစ်အမှန်များကိုတော့
အလေ့ကျနံရံများပေါ် ရေးချယ်ထားခဲ့မိပေါ့။
သည်လိုနဲ့ပဲ . .
စိတ်ကူးရွက်ကျပင်ပေါက်တွေလည်း
မျှော်လင့်ခြင်း နေကြာပွင့်တွေလည်း
အေးစက်နေခဲ့သော မျက်ဝန်းမြစ်များဟာလည်း
ကိုယ်မတောင့်တသော ဆုများထဲ
သွေ့ခြောက်ပြိုလဲ စီးဆင်းခဲ့ . . . .။
ဆုတ်ခွာခဲ့ရသော လမ်းဟာ
သွေးစက်များနဲ့ တရွတ်ဆွဲ အိပ်မက်သေများသာ . . . ..
. . . . (နင်ဟာ ငါ့ရဲ့ အကြီးကျယ်ဆုံး အမှားယွင်းတစ်ခုတဲ့လား . . .)
မီးရယ် . .အလင်းလို့ ယုံမှားတပ်မက်ခဲ့ဖူးတဲ့ . . .မီး ရယ်
ခေါ်သံတွေ တိမ်ဝင် ဆွံ့အ
အမှောင်မှာ (ငါ) ကျွမ်းလောင်ကျဆုံးခဲ့ရပါတယ်။
(အရမ်းကို နှစ်ခြိုက်မိတဲ့ ကိုနိုးဝေရဲ့ကဗျာလေးတစ်ပုဒ်ပါ။ မျှဝေခံစားလိုက်ပါတယ်)
Posted by နွေညို at 10:18 AM 1 comments
Labels: ကြိုက်တဲ့ကဗျာတွေ
Tuesday, June 23, 2009
မုန်းတယ်
ကဗျာခေါင်းစဉ်ကို က မုန်းတယ်လို့ဆိုတာ့
ဖတ်တဲ့သူ ခင်ဗျားလဲ ရေးတဲ့သူ ကျွန်တော့ကို
မုန်းရင်မုန်းမယ်
ဆက်မလား ရပ်မလား … အဲ့ဒါ
ကိုယ့်လူသဘောကျပဲ
အိပ်ကပ်ပြားနေတာကို မုန်းတယ်
မနက်ဖြန်မနက် ရုံးတက်ရမှာကို မုန်းတယ်
ဘတ်စ်ကားမှတ်တိုင်တွေကို မုန်းတယ်
သစ်ရွက်တွေလှုပ်နေရင်လဲ မုန်းတယ်
အခုလို မုန်းတဲ့အကြောင်းရေးဖို့ စဉ်းစားနေရတာလဲ
မုန်းတယ်
မုန်းရတာလဲ ပင်ပန်းခြင်းတစ်မျိုးပါပဲ
အဲ့လိုပင်ပန်းနေရတာကိုလဲ မုန်းတယ်
အိမ်ရှေ့လမ်းက ဖြတ်လျှောက်တဲ့ အတွဲတွေကိုမုန်းတယ်
ပိုက်ဆံပြန်မအမ်းတဲ့ စပယ်ယာကိုမုန်းတယ်
အရေပြားထက်က အပြုံးတွေကို မုန်းတယ်
ချစ်သူကပေးခဲ့တဲ့ အမုန်းကို မုန်းတယ်
……………………………မုန်းတယ်
……………………………မုန်းတယ်
…………………………..မုန်းတယ်
ခပ်သိမ်းသော အလုံးစုံနဲ့ တစ်လောကလုံး
ပူလောင်တဲ့ စိတ် ၊ အဆိပ်သင့်တဲ့ခန္ဒာ
ဒီကမ္ဘာမှာမှ လူလာဖြစ်ရတဲ့ အဖြစ်ကိုမုန်း . . .
အခုလို ကဗျာကိုအဆုံးသတ်လိုက်ရတာကိုလည်း
သိပ်မုန်းမိတယ်။
Posted by နွေညို at 10:14 AM 1 comments
Labels: ကဗျာများ
Friday, May 22, 2009
အတိတ်မှ . . . အဝေးသို့
ဟုတ်တယ်
မနီးတဲ့ အရပ်ကိုမှ ဆုံးဖြတ်ချက်တဖတ်သက်ချလို့
ခရီးရှည် ထွက်ခွာသွားသူကို
ကျွန်တော် ပြန်လွမ်းမနေချင်တော့
သူမရဲ့ ရာသီဥတု သာယာပါရဲ့လား
တစ်ခါတစ်ခါ တွေးမိရဲ့
ကျွန်တော့မြို့မှာ မိုးသက်လေပြင်းကျတဲ့အကြောင်း
နှလုံးသားမှာရေကြီး ရင်ဘတ်ထဲတောမီးလောင်
လက်ခမောင်းထခတ်တဲ့ အလွမ်းတွေရဲ့ ရာဇ၀င်
သူမ သိဖို့မလို
တင်္ဒဂ စိတ်ကူးသာဖြစ်တယ်
နာကြည်းမိတဲ့ ဆောင်းအိပ်မက်ဖြစ်တယ်
လေပြင်းတွေအတိုက်ခံရတဲ့ တိမ်တိုက်သာဖြစ်တယ်
ဗလာမှန်းသိရက်နဲ့ နှိုက်မိတဲ့ မဲဖြစ်တယ်
အတွေးဟာ အတွေးထဲမှာပဲပျောက်ကွယ်
အချည်းနှီးဖြစ်တဲ့ ကြိူးစားခြင်းတွေလွင့်ပျယ်လို့
နောက်ဆုံးထွက်လာတဲ့အီကွေးရှင်းမှာ
သူမကို . . .
နင့်နင့်သည်းသည်းချစ်မိနေဆဲအဖြစ်နဲ့
အနည်ထဆဲအလွမ်းနွံများသာ
နှလုံးသားထက်
. . . . . . တင်ကျန်ရစ်ခဲ့ရပါတယ်
Posted by နွေညို at 2:41 PM 2 comments
Labels: ကဗျာများ
Thursday, May 21, 2009
ကိုယ့်ရဲ့ညများ
ကျွန်တော်က ညတွေကိုချစ်တယ်
အိမ်အမိုးမျက်နှာကျက်မှာ အနုမြူစတွေ
အစီအရီကပ်ထားသလိုမျိုး
ဟိုးမိုးကောင်းကင်ထက်မှာ ကြယ်လေးတွေ
ဖွေးဖွေးလှုပ်ပွင့်ဖူးလို့
ဆိတ်ဖလူးနံ့သင်းတဲ့ လေညှင်းဟာ
အေးမြလတ်ဆတ်လွန်းတယ်
မှုန်ရီဝေတဲ့ အလင်းအောက်မှာ
လောကဟာ သိမ်မွေ့ခြင်းနဲ့အပြာရောင်
ခြင်တွေတောင်ပံခတ်သံ အတိုင်းသား
အဝေးက ကားမောင်းသံ သဲ့သဲ့ကြားတယ်
မကြာခင်မှာ ဗီသိုဗင်တီးလုံးသံနဲ့
နာရီလေးမြည်မယ်
အထီးကျန်နေတယ် ယူဆရတဲ့ခွေးတွေ
ဆွေးဆွေးမြည့်မြည့်အူမယ်
အစာရှာထွက်တဲ့ ညဉ့်ငှက်လေးတွေ
အချိန်လွန် အိပ်တန်းပြန်လာတော့မယ်
အလင်းရောင်ရှိဖို့ မလိုအပ်ခဲ့ဘူး
အိပ်စက်ခြင်းကို လဲ အလိုမရှိခဲ့ဘူး
တစ်ကယ်တော့ ဒီလိုညတွေဟာ
မာယာစုံတဲ့ လူ့လောကဘုံထဲက
လွပ်လပ်သော ကိုယ့်ရဲ့ကမ္ဘာလေးသာ
ဖြစ်ပါတယ် . . .။
Posted by နွေညို at 10:33 AM 0 comments
Labels: ကဗျာများ
Monday, May 11, 2009
မျှော်လင့်ခြင်းကို ရှာဖွေမိသောနေ့များ
ချစ်ခြင်းမေတ္တာဟာ
ဘယ်သူ့ရင်ဘတ်မှာ အိပ်စက်နေပါသလဲ
တစ်ဆိတ် . . .
မျှော်လင့်နေသူဆီပြန်လာပါ
တသသ မတွေးနဲ့ တဆစ်ဆစ်နာတယ်လို့
ရင်ဘတ်ကြီးကလှမ်းပြောရဲ့
အဲ့ဒီ လွမ်းမောဖွယ်ဇာတ်ကြီးကို
တစ်ခန်းရပ်ပစ်ဖို့
ဆံစ တွေထဲ ပျော်ရွှင်ဖူးတဲ့
ကံ့ကော်ပွင့်ခြောက်လေးက ခပ်တိုးတိုးဆို
အလွမ်းရယ်
ငါ့မျှော်လင့်ခြင်းဟာ နင်မဟုတ်ဘူးကွဲ့
ရှာဖွေတွေ့ရှိသော မရေရာမှုများထဲမှာ
တိတ်တဆိတ် မြည်တမ်းရင်း . . .
. . . . .
ကြေကွဲ လွမ်းဆွတ်နေခဲ့ရပါတယ်
Posted by နွေညို at 11:28 AM 3 comments
Labels: ကဗျာများ
Thursday, May 7, 2009
အလင်းရဲ့ဝေးရာ
နာကျင်ရပုံများ . . .
ကိုယ်က စမရှို့ပါပဲ ရင်တစ်ခုလုံး
ဟုန်းဟုန်းတောက်လောင်ခဲ့တယ်
လှပသောသူ့အဆင်းမှာ ကိုယ်က အလင်းလို့မှတ်ထင်
အားငယ်ရသော အမှောင်ကာလတွေထဲ
မင်းအပေါ်
ရဲရင့်မျှော်လင့်ခြင်း အထပ်ထပ်နဲ့
အိပ်မက်ပန်းပွင့်တွေ ဝေခဲ့ဖူး
မင်းအလင်းရဲ့ ဘာသာဗေဒမှာ
အနက်အဓိပ္ပါယ်တွေလွဲချော်ခဲ့ခြင်းလား
မမျှော်လင့်မှုတွေရဲ့ ခေါ်ဆောင်ရာဟာ
ဒီမေလလိုပဲ ပူပြင်းသွေ့ခြောက်လွန်း
အဆုံးတော့
အလွမ်းတွေသာ မွှန်းထုံထားတဲ့
အမှောင်ထုတွေထဲ အရောင်အဆင်းမဲ့လို့
တစ်ကိုယ်တည်း တိတ်ဆိတ်စွာ
ကျွမ်းလောင်ကျဆုံးခဲ့ရပါတယ်
Posted by နွေညို at 3:07 PM 1 comments
Labels: ကဗျာများ
သူသိပါစေ
လွမ်းဆွတ်နေခဲ့တာ . . . သူသိပါစေ
တမ်းတနေခဲ့တာ . . . သူသိပါစေ
မျှော်လင့်နေမိတာ . . . သူသိပါစေ
ငိုကြွေးနေခဲ့တာ. . . သူသိပါစေ
အချစ်ရေ . . . .
မင်းချန်ရစ်ခဲ့တဲ့ နေ့ကစလို့
ဘ၀ဟာ မီးကျွမ်းသင့်တဲ့ တောင်ယာတစ်ခင်းလို
ခြောက်သွေ့အက်ကွဲနေခဲ့ရပါကြောင်း
မင်းသိပါကွယ်
Posted by နွေညို at 2:51 PM 3 comments
Labels: ကဗျာများ