Rewind လုပ်မရတဲ့ရုပ်ရှင်

ကြေကွဲရပုံများ . . .
စိတ်က ရွေ့လျားနေတဲ့ တိမ်တွေပေါ်မှာ
ပြန်မလာတော့မဲ့ အဝေးပြေးကားတစ်စီးပေါ်မှာ
ရှုသွင်းနိုင်ခွင့်မရှိတဲ့ လေပြည်နုနုတွေထဲမှာ

စကားသံတွေ ကြားတစ်ချက် မကြားတစ်ချက်
မှန်သားထက်က မိုးရည်စတွေ မြင်တစ်ချက် မမြင်တစ်ချက်
လည်မျိုထဲ ရှိုက်သံတွေ ဆို့နေတာ
ပြန်မလာတော့ဘူး မပြောသွားတာ
ပါးပြင်ထက် ပူနွေးနေတာ
နာမည်အစတစ်လုံးကို တဖွဖွ ရွတ်မိနေတာ

ကမ္ဘာကြီးလည်နေတယ်ဆို
ငါရပ်နေတဲ့နေရာကို နင်ပြန်ရောက်လာမှာလား
ဒါမှမဟုတ်
ကိုယ့်နားရွက် ကိုယ်ပြန်လိုက်ကြည့်မိသလို
ဝေးပြီးရင်း ဝေးနေရမှာလား…
ခေါင်းကိုခါရမ်းရင်း မျက်ဝန်းကိုမှိတ်
အလွမ်းဟာ အိပ်ကပ်ထဲ တရိပ်ရိပ်ပြည့်

အခုထိ အဓိပ္ပါယ် ရှာမတွေ့သေးဘူုးတဲ့
အမှောင်ထဲမှာဘာအရောင်ရှိမလဲ အမှောင်ထဲတွေးရင်း
တစ်ချိန်ဖြူလာမလား အသိနဲ့
မီးသွေးကို ရေအထပ်ထပ်ဆေးမိနေတဲ့အရူးပေါ့

အဲ့ဒီလိုပါပဲ
အသစ်က ပြန်မစနိုင်မှန်းသိလို့
စိတ်ချည်းသက်သက်နဲ့ အတိတ်ကို ရစ်ယူကြည့်မိရုံလေး
ဘာရယ်မှလဲ မဟုတ်ဘူးကွယ်
ချိတ်ပိတ်ခံထားရတဲ့ နှလုံးသားအဟောင်းထဲ
အစွဲအလမ်းတွေ မီးရှို့မပစ်နိုင်သေးတဲ့ အကြောင်းပါ ။

“ရေခဲသေတ္တာထဲက ဘီယာကို . . .ငါမဖောက်ရသေးဘူး”

မင်းပြန်လာရင် သောက်ဖို့
ရေခဲသေတ္တာထဲက ဘီယာကို
ငါမဖောက်ရသေးဘူး

ဆံပင်တွေ ရှည်လာသလောက်
စိတ်အလျားကို ဆွဲရင်း ဆန့်ရင်း
မျှော်ရတာမောတယ်လို့ ပြောဖူးသားပဲ
ရေခဲသေတ္တာထဲက ဘီယာကို
ငါမဖောက်ရသေးဘူး

ရေဆာသူ ရေငတ်သူ မောပန်းနွမ်းလျသူတွေ
ငါ့ကို မျက်မှောင်ကြုံ့ပြီး ကြည့်သွားကြ
မင်းအကြောင်းတွေးတဲ့ စိတ်နဲ့ ခုနေ
ဖွင့်ဖောက်လိုက်ရင်. . . .
အလွမ်းတွေ လျှံကျလို့ အမြုပ်ထနေမလားပဲ

ရေခဲသေတ္တာထဲက ဘီယာကို
ငါမဖောက်ရသေးဘူး . . .

ရေခဲသေတ္တာထဲက ဘီယာကို
ငါမဖောက်ရသေးဘူး . . .

လာမယ် ကြာမယ်ဆိုတော့ မျှော်နေခဲ့ပေါ့
ငါ့မျက်စိရှေ့ မင်းပေါ်လာဖို့တော့ လိုမယ်
အဲ့ဒီအခါကျ နင့်လက်နဲ့ဖွင့်ဖောက်သောက်ပေါ့
ငါ့ရင်ထဲ အလုံပိတ် . . အချစ်တံဆိပ်နှိပ်ထားတဲ့ နှလုံးသားဘီယာ
မင်းရင်တစ်ခုလုံး
ချို. . ရီ . . အေး . . မြ . .ပါ စေသား ။

ဇာတ်သိမ်းခန်းမှာ . . .

ညီမလေးရေ
ကိုယ်မင်းအပေါ်ထားတဲ့ ချစ်စိတ်တွေကို
အဆိပ်တွေအဖြစ်
ထင်မှတ်မှားခဲ့တာလား

မနှစ်မြို့ဟန်ပြတဲ့ မျက်စောင်းလှလှတွေကြား
ရင်ထဲ စိုးရိမ်စိတ်ခေါင်းလောင်းသံတွေ ဆူညံလို့
ဆံနွယ်တွေခါပြီး ချာခနဲ့လှည့်အထွက်မှာတင်
နှလုံးသားဟာ အသက်ရှုရပ်ခဲ့ရတယ်။

မစိုက်ပျိုးပါပဲ ညီမလေးအတွက်
အလိုလို ပွင့်ဖူးလာတဲ့ မေတ္တာပန်းတွေ
နွမ်းခြောက်သွားအောင် လုပ်ရက်တယ်တဲ့လား
သတိလက်လွတ်ငေးမိခဲ့တဲ့ မင့်အပြုံးတွေကို
သိမ်းဆည်းထားခွင့်ရှိရုံနဲ့ ကျေနပ်မယ်

ဘုရားသခင် ၊ ချစ်ခြင်းမေတ္တာ နဲ့ အနုပညာ
ယုံကြည်ရာတွေထဲက တစ်ခုပျောက်ဆုံးသွားခဲ့အခါ
ကိုယ့်နေ့ဟာ ညဖြစ်လိုက် . . . ကိုယ့်ညဟာနေ့ဖြစ်လိုက်
. . . . . .
ပင့်သက်တွေ
သက်ပြင်းတွေအထပ်ထပ်နဲ့
ရှင်သန်မှုဟာ စိတ္တဇဆန်လွန်းတယ်

ခုနေ ညီမလေးများကြားနိုင်မလား
ရှိုက်သံတွေ ကို အမှောင်လဲ ဆွဲလွှင့်ပစ်လိုက်တယ်
နှုတ်ခမ်းကိုတင်းတင်းစေ့
မျက်ဝန်းအိမ်ဆီကရေငွေ့ကို သုတ်ရင်း . . .
မင်းကို ကြိုးစားမေ့ကြည့် နေခြင်းတွေရော မြင်နိုင်ပါ့မလား

ဘာပဲဖြစ်ဖြစ် . . .
သေချာတယ် သေချာနေခဲ့တယ် ညီမလေးရယ်…
အစတည်းက အရာအရာဟာ
ဘယ်လိုပဲ လွဲချော်နေခဲ့လည်း
ညီမလေးကို ချစ်ခဲ့မိတာ . . .
ဘယ်တော့မှ မမှားဘူးဆိုတာ။

အုံ့ပုံး

မသဲမကွဲ အလင်းခပ်ဖျော့ဖျော့ထဲ
အခြယ်အသကင်းတဲ့ သူ့ပါးပြင်မို့ဖောင်းဖောင်းဆီ
အငေးမှာ
ကိုယ့်စိတ်အညောင်းအညာတွေ လွင့်ဝေးခဲ့ရပုံ

နှလုံးသွေး ဒိတ်ဒိတ်တိုးသံက လွင့်ပျံ့ဆဲတီးလုံးသံတွေကြား
ကိုယ့်နားစည်ထက် ကြည်ကြည်လင်လင်

. . . . .

မပြောသင့်ဘူးထင်လို့ စိတ်ထဲကပဲရေရွတ်မိတယ်
ရင်လဲခုန်တယ် . . . ချစ်လဲချစ်တယ်ကွယ်။

၃၁ ဒီဇင်ဘာ

ပြီးခဲ့တာတွေလည်း ပြီးသွားမှာပါ လို့ ဖြေသိမ့်သူတွေကိုယ်တိုင်
အဝေးကို ငေးပြီး ဆွေးနေမှတော့
နှစ်သစ်မှာ အချစ်ကို တွေ့ပါစေလို့ ဆုတောင်းပေးသူတွေကိုယ်တိုင်
မျက်ဝန်းတွေ အုံ့ဆိုင်းနေမှတော့
ငါ့မှာလည်း . . . .

ဘယ်လိုလဲ မိချယ်
အရင်လို အရင်လူနဲ့
အရင်နေရာမှာပဲ အရင်အတိုင်း ရှိနေမလား
နင်ကတော့ အဆင်ပြေမှာပါ
လပြည့်ကျော်တစ်ရက်ဆိုတော့ ဘယ်လောက့်ညဉ့်နက်နက်
လရောင် လင်းလင်းကျင်းကျင်းထဲ နင့်အိမ်ဆီ ပြန်ရသိပ်ခက်မယ်မထင်ဘူး

ငါ မွတ်သိပ်နေတဲ့ နင့်အသံတွေက
ဘယ်သူ့နားစည်မှာ ဆည်းလည်းသံသာတွေ ဖြစ်နေလဲ
ငါ မျှော်လင့်နေတဲ့ နင့်အပြုံးတွေက
ဘယ်သူ့ နှလုံးသားထက်မှာ တွဲခိုဆော့နေမလဲ

စိတ်ထဲ မထည့်ထားပေမဲ့
အလိုလို စိတ်ထဲရောက်လာတဲ့နင့်အကြောင်း
စဉ်စားမိတာ သိပ်များပြီ
တယ်လီဖုန်းဆက်တိုင်းလည်း စက်ပိတ်ပိတ်ထားတတ်တွေ
ထည့်မရေးတော့ဘူး

နင်သာပျော်အောင် နေပါကွဲ့
ဒီညမှာ . . . .
နင့်အမုန်းတွေ လျှံကျနေတဲ့
ငါ့နာကျင်မှုတွေ အမြုပ်ထနေတဲ့
အခါးဆုံး ဘီယာတွေ သောက် . . . မူးပြီးမှောက်တဲ့အထိ

တွေ့ခဲ့ မြင်ခဲ့ရင်လဲ အရင်လို အမှတ်တမဲ့ပဲနေ
လွန်ခဲ့တဲ့သုံးနှစ်ကတည်းက
နင် ပြောခဲ့သလို
ငါတို့က
ပြန်မပတ်သက်နိုင်တော့တဲ့သူစိမ်းတွေ .။

ကြားခွင့်မရှိတော့တဲ့အသံ

လေလှိုင်းထဲကတစ်ဆင့်
သုံးနှစ်စာ နာဖျားမှုတွေ သိစေဖို့
မမေလျော့နိုင်သေးတဲ့ ဂဏန်းကိုးလုံးပေါ်
မျှော်လင့်ချက်တွေယှက်တင်လို့ နှိပ်ချလိုက်တယ်

ဘယ်သူလဲလို့မေးရင် ဘယ်သူပါလို့ ဘယ်လိုပြန်ဖြေရပါ့
စက္ကန့်တွေရေတွက်
အာရုံက နားစည်နဲ့ မြည်သံတစ်ခုကြား မှာ စိုးထိတ်စွာ
သတ်မှတ်အချိန်တွင်း ပြန်လည်မဖြေဆိုနိုင်တာ
ဘာကြောင့်ပါလဲ

ဟယ်လို
အသံတစ်ခုကို ကြားရနိုး မွတ်မွတ်သိပ်သိပ်နဲ့
ဟယ်လို
အနာဂတ်ထဲမှာ အတိတ်ကအတိုင်း ပျော်ရွှင်ချင်တဲ့စိတ်နဲ့
ဟယ်လို . . . ဟယ်လို . . . ဟယ်လို

သူကြားကြား မကြားကြား ပေါ့
လွမ်းဆွတ်နေရကြောင်း သတင်းစကားကို
နှလုံးသားတယ်လီဖုန်းခေါ်သံတွေကနေ ပို့လွှတ်လိုက်တယ်
အနည်းဆုံး မင့်အိပ်မက်ထဲကိုပဲဖြစ်ဖြစ်
တစ်နေ့နေ့ ရောက်ရှိနိုင်စေကွယ်။

အခုတစ်လော . .

ဘယ်အချိန်ကတည်းက ကျပျောက်သွားခဲ့ရတာလဲ
အခုထိ နောက်တစ်ခါ ပြန်မရခဲ့
မြူလို မီးခိုးလို မိုးတိမ်တွေလို
ထိတွေ့ ဖမ်းဆုပ်နိုင်ခွင့်မရှိခဲ့တာ နှစ်အတန်ကြာ

အဖြစ်ထက် အပျက်တွေကပဲ များများလာ
မြက်ခင်းစိမ်းစိမ်းတွေပေါ် . .
ဖုန်ထူထူလမ်းမတွေပေါ်
မတော်တစ်ဆ ရှင်သန်ခွင့်ရခဲ့တာကလွဲရင်
စိတ်လိုလက်ရ ဘယ်အကြောင်းမှ ပြန်မပြောချင်တော့

အစားထိုးစရာတွေက အဖိုးအခသိပ်ကြီးလွန်းတယ်
စိုက်ခဲ့တဲ့ သစ်ပင်တွေဟာလဲ တန်းစီညှိုးခြောက်သေဆုံးလို့
လျှောက်နေရတဲ့ လမ်းကျဉ်းကျဉ်းလေး တစ်ဖက်တစ်ချက်စီမှာ
ချောက်နက်နက်တွေ စီစီရီရီ ဆီးလို့ ကြိုလို့

တစ်နေ့နေ့မှာတော့ ကျွန်တော်
စိတ်လွတ်ကိုယ်လွတ်ခုန်ချဖြစ်ပါလိမ့်မယ်
အနည်းဆုံး. . . ပျောက်ဆုံးနေခဲ့တဲ့ ပျော်ရွှင်ခြင်းရနံ့ကို
လေဟာနယ်ထဲမှာ တင်္ဒဂ ပြန်ရနိုင်မယ်
မျှော်လင့်ချက်နဲ့ . . . .

ဟုတ်ကဲ့
လွတ်လွတ်လပ်လပ် နဲ့ အားရပါးရမရယ်မော မပျော်ရွှင်နိုင်ခဲ့တာ
နှစ်အတော်ကြာခဲ့ပြီဆိုတဲ့အကြောင်း
ပြောချင်တာပါ။